وش حلات البنت ذيك اللي تأشـر ياجماعـه
خربطت نبظ الفـواد وهيجـة موجـة حنينـه
حيرتني وأشغلتني وإزرعـة فينـي الطماعـه
دمـرت حتـى ملفـات الركـاده والسكينـه
أشرت بعيون تشعـل بالجـراءه والشجاعـه
توقع القلب الكبير اللي محصـن فـي كمينـه
آيةً في الحسن سبحان المبّدع فـي الصناعـه
تحفةًٍ مافيـه مثلهـا فـي مشاهيـر المدينـه
جسمها غزلاني اشقر مكتمل سـن الرضاعـه
حسنها ربانـي اكبرمـن تزاييـف أي زينـه
كل شـي فيهـا طبيعـي البـراءه والوداعـه
ومن قدمها الى شعرها ورد منثـور بجنينـه
آه ياخـدٍ توسـد فتنـة الحـب المطـاعـه
ذوق عالي در غالـي قطعـة ألمـاسٍ ثمينـه
أشقـري فتـان ماخـذ إمتيـازات البراعـه
ألمعي والموت الأحمر في وسامـة غمزتينـه
يحمل اختام الوكالـه والأصالـه والفضاعـه
يسحر الناظر وياخـذ منـه مايبغـي بحينـه
يستحل الكيـف فجئـه دون تفكيـر ومناعـه
يحتضن اجمل مشاعر صادقـه حلـوه أمينـه
كل من شافه تخيـل لـذة العيـش ومتاعـه
والرمنسيـه تجسـد فـي محيـاه وجبيـنـه
حتى انا من يوم شفته ودي أتملكـه ساعـه
امنحه حبل الموده وإستضيف احـلا سنينـه
هدي القلب المولـع مـن لهيبـه وإلتياعـه
من عذاب الشوق واحييي بعض الآمال الدفينه
قلبي اللي من تولع والهـوا غاسـل شراعـه
يوم محتار ومضيـع يـوم منهـار ورهينـه
آه ياقلبـي لـك الله كـم تمنيـت إجتماعـه
وإبتلاك الشوق ثبـت فيـك ويلاتـه وأنينـه
سرت مثلك مثل غيرك تنبسط لحظة سماعـه
ترفع الرايـه وتعلـن إنـك اكبـر معجبينـه
مادريت ان الحياه ارزاق وحظـوظ وقناعـه
عيشها سالي وخلـي خطوتـك دايـم رزينـه
لاتناظر فوق تتعب اترك الطيـش وضياعـه
حب واعشق مايخالف بس بسلـوب وفطينـه
ولا تسوق السوم عالي صوب شغلاتن مباعه
ما ينوبك مـن دللها غيـر هفـواةٍ مشينـه
والصراحه اليوم اصبح كل شي سوق وبضاعه
كم بجيبك كم رصيدك كم مودع فـي الخزينـه
قد ماعندك تساوي فـي المصالـح والنفاعـه
واللذي ع قـد حالـه ياعسـى ربـي يعينـه
اصبح الجو للمقرقش مو لمن شمـر ذراعـه
لامـزاج ولا نتـاج ولا خـويـا تستعيـنـه
وقتنـا هـذا مقنـع والبـلا بأسفـل قناعـه
والسعيد اليوم منهـو حافـظ اخلاقـه ودينه/مشاركه من ابو هاني في موقع ومنتديات الدكتور ابو بكر سالم فنان اليمن /ناقل المشاركه للمنتدى ابن كعيدنه/حبيبي تستاهلون والله
السبت أكتوبر 11, 2014 8:17 am من طرف elhanche
موضوع: اشقري وفتان 