لطائر المجروح للشاعر الكبير عبد الرحيم التويتى

ا
________________________________________
عبد الرحيم التويتى
يا طير يامجروح أن تشتي تـروح=والعاصفة هوجاء على كل السفوح
كمن طموح يا طير في وكره ينوح=يشتي يطير والجو بالعاصف كضيم

لاشتيك تطير ناسبت لك نائب وزير=وارم المؤهل والكفاءه وسـط بيـر
واشرب وشرب للسكرتير والمديـر=لكن شراب مخصوص مش عنبه وليم

اذا ضميرك حي شوري موته=واقتل أبوه وأمه وخاله وأخوته
تحصل على فله ورتبه ملفتـه=للانتباه وأربع تكاسي للحريـم
احذر تقول الصدق واسمع ما أقول =اكذب إذا بدك تقع فحـل الفحـول
ارقص على دقات دقات الطبـول=وامشي مع من داموا الدنيا دويـم
أهل الوساطة ساكنين سطح القمر=وأهل الكفاءة والأدب صبل البقر
اشعر لك اشعر دق راسك بالحجر=محدّ بداوي شعر وافهم يا حليـم
تحمد الله يا أخـي عنـدك عمـلي=ضمن لك الصلصه مع حق البصل
على الأقل أحسن من الجالس عطل=درّس ولو قالو توزع فـي تريـم
بل واشكر الله يا أخي عندك معاش=عبد الرحيم يشعر لدولتنـا بـلاش
وكافوه في نهب بيتـه والفـراش=بدون ادانه في سجون سيـن جيـم

لاشتيك ترقى أو تقود المنطقة=درس ولكن في فصول الزندقه
نافق لكي تسلم حبال المشنقـه=فالصدق مفقود الحمايد كاليتيم

ايضاً وكن عصري معاصر وعتصر=وقت الغداء حـده وبالقيلـه عَصِـر
تلقى وسيطك باب شيرتون منتظـر=وسط الغمارى كاشفه نصف الفريـم
على حسب قدر الهدية ترقيـه=أما إذا كانـت هديـه مغريـه
ينزل قرارك في جريده رسميه=واحذر تصلي بعدها أو تستقيم

إلا إذا ودفـت صـل بالبنطـلـو ن=والمشط والكالون معجـون السنـون
في جيبك الأيمن وحاذر ان تكـون=في صف واضي فالوضوء دينه قديم

وبعد شهرين المطار في خدمتك =في طائرة هليود يحجز رحلتك
والخارجية كلها فـي شنطتـك= في خانة الوان الاناقه والكِريـم
واحذر تقول أن الحضارة من سباء=كي لا يدينوك بالتخلـف والغبـاء
على الأقل كن في ديانـا معجبـا=تمنح شهادة منفتح راقـي عظيـم

مثل بلادك بالملاهـي والرقيـص =كي لا يقولوا شعبنا جالس طسيـس
صور لهم بلقيس في نصف القميص= تظهر وسيمه وأنت متحضر وسيـم

تأمركي يابنت يعرب تكتكـي=مادام رجالش تميكل مونكـي
كوني كمونيكا كلينتون واتركي=مكه وحجي لش بدلها اورشليم
مالش ومال المؤمنين والمؤمنات =هذا زمان المدمنين والمدمنـات
تمدنـي فالـحـظ للمتمـدنـات= كي تصلحي زوجة لقنصلنا المقيم
وحضري للجامعـة بالقاهـرة=كي ترجعي دعجى سمينه سافره
للناجحات مليون وضيفه شاغرة=والناجحين قال الوزير الله كريم


وسمي امش طنط واختش مزمزين=وجدتش تيته وبالـذوق الرزيـن
تبارزي للبـارزات والبارزيـن=في حلبة المسرح مع عبد الحليـم

تخروطي لش بالمكاتب واخرطي=وان قال زوجش اين كنتي عيطي
عياط مصري واستفزيه وانخطي=نخيط صنعاني وقولي لـه لئيـم

سبي ابوه بالانجليـزي وارطنـي=دونكي فكن قم صب قهوه واعطني
واطبخ وكنس ماعجبـك طلقتنـي= فالجامعيـه ماتكنـس ياغشـيـم
تحرري يابنت اروى واظهـري=في نصف كمش او ببدلة عسكري
وبوتري فمش وسيري طوبـري=وبطري صدرش بحاجه للنسيـم

تمصرني تنصري تمسيسـي=تبيرسي تحت الركب لاتلبسي
وبدلي شكراًبمرسي واطمسـي=من سورة التحريم احكام الحكيم
ومارسـي يافطمتنـا مارسـي=حقش ومن حقش تسوقي وادعسي
محد مخاطب تطمسي ما تطمسي= قولي انا حره وما احد بي لزيـم

لاتنجبي تبزي ولا تتعجـوزي=تمزمزي مزي لحقوش واحجزي
تميرضي بالصبح وباليل اقفزي=قالو سليم العقل بالجسـم السليـم
وشاهدي بالدش فلمش واشتـري=مثله مع عبده سعيـد المقطـري
لوتبصريه ياساميه لاتعصـري=زوجش وسعه مرتين في كأس ليم
ونافسـي بالقيـاده واطبعـي=صورة دعاياتش وشلي مدفعي
الجنبيه لش والعسيب اتبرعـي=والبيت لش وانا لحبلي والشريم

وابكي عليَّ ياعروبه واضحكي=يابنت صهيون الذكيه تكتكـي
امة محمد واحصريهم واسفكي=دم الذي باقي على الدين القويم[